–
अकोले प्रतिनिधी
अकोले येथील महालक्ष्मी मंदिरात नवरात्रोत्सवाच्या निमित्ताने मंदिर परिसरात केलेल्या आकर्षक विद्युत रोषणाईने भाविकांचे लक्ष्य वेधून घेत आहे.
देवस्थानच्या वतीने नवरात्र उत्सवानिमित्त विविध धार्मिक,सामाजिक कार्यक्रमांचे आयोजन करण्यात आले आहे. दर्शनासाठी अबालवृद्धांची मोठी गर्दी होत आहे.
अकोले शहरापासून सुमारे एक किलोमीटर अंतरावर अकोलेकरांचे श्रद्धास्थान असणारे महालक्ष्मीचे मंदिर आहे. दरवर्षी नवरात्रात येथे मोठा उत्सव साजरा केला जातो. महालक्ष्मी देवस्थान ट्रस्टने मंदिर परिसरात अलीकडच्या काळात अनेक सुधारणा केल्या आहेत. मोठा सभा मंडप , भक्त निवास,आकर्षक टाईल्स ,दीपमाळ ,नवीन कलश ,संरक्षक भिंत ,पाण्याची टाकी,प्रवेशद्वार यामुळे या मंदिराचे रूपच पालटले आहे. महालक्ष्मी मंदिर परिसराचा चेहरा मोहरा बदलला आहे.
नवरात्रोत्सवा निमित्ताने देवस्थान ट्रस्ट व आधार रक्तपेढी संगमनेर च्या वतीने आयोजित रक्तदान शिबिराला चांगला प्रतिसाद मिळत आहे.पहिल्या माळे पासूनच दर्शनासाठी भाविकांची गर्दी होत आहे. मंदिर परिसरात लहान मोठी अनेक दुकाने थाटली आहेत. त्यामुळे या परिसराला यात्रेचेच स्वरूप प्राप्त झाले आहे.
महालक्ष्मी देवस्थानचा “क “वर्ग तिर्थक्षेत्रात समावेश होण्यासाठी पाठपुरावा सुरु आहे. मुख्यमंत्री सडक योजनेतून महालक्ष्मी रस्त्याचे अगस्ती कारखाना रोड पासून ते अंबिका लॉन्स पर्यंत काँक्रिटीकरण व त्यापुढील रस्त्यावर डांबरीकरणाचे काम पूर्ण झाले आहे.या रस्त्यावरील दुतर्फा गटारीचे काम माजी आमदार वैभवराव पिचड यांच्या मार्गदर्शनाखाली लवकरच मार्गी लागेल असा विश्वास नगराध्यक्ष बाळासाहेब वडजे व पाणी पुरवठा सभापती शीतल अमोल वैद्य यांनी व्यक्त केला आहे.
ट्रस्ट च्या वतीने आगामी काळात भाविकांसाठी भक्तनिवास व स्वच्छतागृह हे कामे सुरू आहेत.या कामासाठी कै.कु. सुकृता सुनील शिंदे हिचे स्मरणार्थ माजी उपप्राचार्य सुनील शिंदे यांचे कडून ३ लाख ११ हजार १११ रुपये देणगी तसेच सौ.आशालता बाळकृष्ण लोंढे व बाळकृष्ण लोंढे यांचे वतीने १ लाख ११ हजार १११रुपये देणगी अर्पण करण्यात आली आहे.लवकरच ट्रस्टचे कार्यालय सुरु केले जाणार असल्याची माहिती महालक्ष्मी देवस्थान ट्रस्ट चे सचिव तथा अकोले नगरपंचायत चे नगराध्यक्ष बाळासाहेब वडजे यांनी दिली.
श्री क्षेत्र महालक्ष्मी देवस्थान च्या विकासासाठी जिल्हा परिषदेचे अर्थ व बांधकाम समितीचे माजी सभापती कैलासराव वाकचौरे ,ट्रस्ट चे अध्यक्ष किसनराव लहामगे , सचिव बाळासाहेब वडजे ,खजिनदार सुरेश शिंदे,विश्वस्त रमेश नाईकवाडी ,संजय जाधव ,निलेश देशमुख ,अमोल वैद्य , खंडू भरितकर,बाळकृष्ण लोंढे,रामनिवास राठी ,सुरेश लोढा ,शिवाजी वडजे ,भानुदास वाकचौरे,सुधाकर शाळीग्राम ,शिरीष देशपांडे ,दत्तात्रय वाणी, ,अनिल गायकवाड ,सुरेश शिंदे,अनिल जोशी,सुनील कोटकर , संतोष कचरे ,प्रकाश देशमुख , रोहिदास धुमाळ, बबलू शेणकर, अशोक शेणकर, दिनेश नाईकवाडी,हेरंब कुलकर्णी , मधुकरराव बिबवे , पुंडलीक गवंडी, के डी देशमुख,सतीश रावअंदुरे,श्रीनिवास रेणूकदास, पी के शिंदे,भगवान वाकचौरे, विनोद रासने, अनिल गाडे,सर्जेराव फटांगरे ,डॉ विराज शिंदे,अशोक सावंत, सुरेश खांडगे , प्रा अनिल मंडलिक,संतोष बाणाईत, योगेश देशमुख,अशोक शिंदे, प्रभाकर आवारी,संजय गुगळे,सूर्यभान वडजे,नितीन गायकवाड ,संपत गायकवाड, मंगेश भरीतकर, बाळू देवराम वडजे,दत्ता गायकवाड,निखिल भरीतकर ,बाळासाहेब भरीतकर, मंगेश गायकवाड ,ज्ञानेश्वर गायकवाड ,संतोष भोत,नारायण गायकवाड,अमोल भरीतकर , दत्तात्रय वडजे,आदी देवस्थानच्या विकासासाठी प्रयत्नशील आहेत.
———
