अकोले प्रतिनिधी
अकोले तालुका खरेदी विक्री संघाच्या निवडणुकीत आमदार डॉ किरण लहामटे, जेष्ठ नेते सीताराम गायकर यांच्या नेतृत्वाखालील महाविकास आघाडी प्रणित शेतकरी समृद्धी मंडळाने १३ पैकी ११ जागांवर विजय मिळवत माजी मंत्री मधुकरराव पिचड माजी आमदार वैभवराव पिचड यांच्या नेतृत्वाखाली ल भाजपाच्या शेतकरी विकास मंडळाचा पराभव केला पिचड यांच्या शेतकरी विकास मंडळाला अवघ्या दोन जागांवर विजय मिळाला
अकोले तालुक्यातील सहकारी संस्थांची अवस्था बिकट असून अगदी अवसायनाच्या उंबरठ्यावर असलेल्या अकोले खरेदी विक्री संघाच्या पंचवार्षिक निवडणुकीत आ.डॉ. किरण लहामटे व अगस्ती साखर कारखान्याचे अध्यक्ष सिताराम पाटील गायकर यांच्या नेतृत्वाखालील महाविकास आघाडी प्रणित समृद्धी मंडळाचे ११ उमेदवार निवडून आले. तर विरोधातील भाजपाचे नेते माजी मंञी पिचड, माजी आ. वैभव पिचड यांच्या नेतृत्वाखालील विकास मंडळाचे २ उमेदवार निवडून आले.तर या निवडणूकीत शेतकरी विकास मंडळ व शेतकरी समृद्धी मंडळात 13 जागांसाठी सरळ लढत होती. तसेच या निवडणूकीत आ. डॅा.किरण लहामटे, सिताराम पा गायकर ,अमित भांगरे, मधुकरराव नवले, महेश नवले,डॉ.मनोज मोरे यांच्या नेतृत्वाखाली राष्ट्रवादी, कॅाग्रेस, शिवसेना, आरपीआय, शेतकरी संघटना,भाकप,माकप यांच्या महाविकास आघाडीने माजी आमदार वैभव पिचड यांच्या भाजप प्रणित शेतकरी विकास मंडळाचा पराभव करून आपले वर्चस्व सिद्ध केले.तर मतदानाच्या दिवशी २६१ मतदारांपैकी २४९ मतदारांनी आपला मतदानाचा हक्क बजावला.तर सोसायटी मतदार संघातून ९३ पैकी ९२ मतदारांनी आपल्या मतदानाचा हक्क बजावला.या निवडणुकीसाठी सर्वात जास्त म्हणजे ९६ टक्के मतदान झाले.
खरेदी विक्रीच्या निवडणूकीच्या निमित्ताने आजी -माजी आमदार आमने सामने आले होते.दोघांनीही ही निवडणूक प्रतिष्ठेची केली होती.
सोसायटी मतदार संघात शेतकरी विकास मंडळाचे कासार भाऊसाहेब व नाईकवाडी नानासाहेब हे विजयी झाले आहेत
शेतकरी समृद्धी मंडळाचे
सोसायटी मतदार संघातून
दत्ताञय कोटकर(काँग्रेस)निलेश तळेकर,(शिवसेना) –
प्रकाश नाईकवाडी (राष्ट्रवादी)
साईनाथ नवले, (कॅाग्रेस) हे विजयी झाले आहेत.आणि
व्यक्तिगत मतदार संघातून
विठ्ठल कुमकर (राष्ट्रवादी) दगडु डोंगरे (राष्ट्रवादी )
महिला मतदार संघातून
,कुमुदीनी पोखरकर (राष्ट्रवादी)
मंदाकिनी नाईकवाडी (शिवसेना)
अनुसूचीत जाती जमाती मतदार संघातून चंदर बांडे ( राष्ट्रवादी)
शेतकरी समृद्धी मंडळाचे
भटक्या विमुक्त जाती जमाती मतदार संघातून मधुकर बिन्नर हे विजयी झाले आहेत.तर इतर मागास प्रवर्ग (ओबीसी) मतदार संघातून माधव तिटमे (शिवसेना) हे उमेदवार विजयी झालेले आहेत. या विजयानंतर महाविकास आघाडीच्या कार्यकर्त्यांनी फटाके वाजवत आनंद साजरा केला.
————
