दत्ता ठुबे
पारनेर प्रतिनिधी
शेतकऱ्यांना अपमानास्पद वागणूक देणाऱ्या पारनेरचे तहसीलदार शिवकुमार आवळकंठे यांचे वर योग्य ती कारवाई करावी अशी मागणी आधार फाउंडेशनचे संस्थापक अध्यक्ष सामाजिक कार्यकर्ते शरद पवळे यांनी नाशिक विभागीय आयुक्त राधाकृष्ण गमे व उपायुक्त संजय काटकर यांच्या कडे केली आहे
.
श्री पवळे यांनी दिलेल्या निवेदनात म्हटले आहे की आम्ही अनेकवेळा शेतकऱ्यांचे शिवपाणंद, शेतरस्ते ,पाझर तलाव दुरुस्तीचे प्रश्न शासन दरबारी मांडले .प्रश्न सुटेना म्हणुन आम्ही शेतकरी पारनेरचे तहसिलदार शिवकुमार आवळकंठे यांना भेटायला गेल्यावर व त्या ठिकाणी लोकशाही मार्गाने आंदोलन करत असताना आमच्या अंगावर मारायला येत होते.अत्यंत खालच्या स्तराच्या अर्वाच्च भाषेत त्यांनी शेतकऱ्यांना शिवीगाळ केली त्यांचे बेफान वर्त णुकीचा अनुभव पारनेर करांना नेहमी येत आहे
शेतकऱ्यांसोबत गैरवर्तणूक करणाऱ्या या अधिकाऱ्याची सखोल चौकशी करावी अशी मागणी केली आहे
सबंधित निवेदनाच्या प्रति मुख्यमंत्री एकनाथ शिंदे ,उपमुख्यमंत्री देवेंद्र फडणवीस,थोर समाजसेवक अण्णा हजारे ,मुख्य सचिव महाराष्ट्र राज्य ,अहमदनगर जिल्हाधिकारी , अहमदनगर जिल्हा आरोग्य अधिकारी अहमदनगर ,महसुलमंत्री राधाकृष्ण विखेपाटील ,खासदार सुजयदादा विखेपाटील ,आमदार निलेशजी लंके , आदींना दिल्या आहेत.
