-:अकोले प्रतिनिधी
चला जबाबदारी पार पाडुया मतदार ओळखपत्रासोबत आधार कार्ड आजच जोडूया..आधार लिंक अभियानात अकोले तालुक्याला उत्तम प्रतिसाद मिळत आहे भारत निवडणूक आयोगामार्फत १ ऑगस्ट २०२२ पासून मतदार यादी शुद्धीकरण आणि मतदार
यादीला आधार नंबर लिंक करण्याचा कार्यक्रम सुरू झालेला आहे. या कार्यक्रमाची पूर्व तयारी म्हणून बी. एल. ओ, सर्व शासकीय कार्यालय यांच्या मिटींग घेण्यात आल्या आहेत तसेच नायब तहसीलदार, मंडळ अधिकारी यांची पर्यवेक्षक अधिकारी म्हणून नेमणूक करण्यात आली व मतदार यादीला आधार जोडण्याच्या मोहिमेला सुरवात करण्यात आली आहे. या मोहिमेमध्ये 216 अकोले (अ.ज) विधानसभा मतदार संघातील मतदारांचा उत्तम प्रतिसाद मिळत आहे.
अहमदनगर जिल्हयात 216 अकोले (अ.ज) विधानसभा मतदार संघातील BLO 202 श्री. भोजने अरुण
नरहरी यांनी त्यांचेकडील यादी भागाचे शंभर टक्के मतदान कार्डला आधार कार्ड लिंकिंग करण्याचे काम पूर्ण केले आहे. त्याबद्दल त्यांचे श्री. श्रीकांत देशपांडे मा. मुख्य निवडणूक अधिकारी,महाराष्ट्र राज्य यांनी त्यांचे अभिनंदन केले आहे. याचबरोबर मा. डॉ. राजेंद्र भोसले जिल्हाधिकारी अहमदनगर, मा. जितेंद्र पाटील उपजिल्हा निवडणूक अधिकारी यांनीही त्यांचे अभिनंदन केले.
तसेच अकोले तालुक्याचे आतापर्यंत 53,883 मतदार यांचे मतदान कार्डला आधार लिंक चे काम पूर्ण झाले आहे. जिल्ह्यात सर्वात जास्त 21% काम अकोले मतदार संघाचे आहे. तसेच 216 अकोले (अ.ज) विधानसभा मतदार संघातील सर्व मतदारांनी आपली व आपल्या कुटुंबातील सर्व व्यकींची आधार जोडणी करावी. यासाठी आपल्या भागातील बी. एल. ओ यांना सहकार्य करून आपले मतदान कार्ड आधार कार्ड ला जोडणी करून घ्यावे किंवा आपण आपण स्वताही “voter helpline app द्वारे आपले व आपल्या कुटुंबाचे मतदान कार्डला आधार कार्डची जोडणी करू शकतो असे आवाहन सतिश थेटे तहसीलदार अकोले यांनी नागरिकांना केले आहे
या आधार जोडणीच्या मोहिमेची रूपरेषा, व मार्गदर्शन नियोजन डॉ. शशिकांत मंगरुळे मतदार नोंदणीअधिकारी 216 अकोले ( अ.ज) विधानसभा मतदार संघ तथा उपविभागीय अधिकारी संगमनेर भाग संगमनेर हे करत आहे
