उपनगराध्यक्ष पदी शैलेश सहस्त्रबुद्धे बिनविरोध –
गणेश ढाकणे
गेवराई प्रतिनिधी
आष्टी नगरपंचायत निवडणुकीमध्ये भाजप ने १२ जागेवर विजय मिळवत एकहाती सत्ता आल्यानंतर नगराध्यक्ष पदी पल्लवी धोंडे तर उपनगराध्यक्ष पदी शैलेश सहस्त्रबुद्धे यांची बिनविरोध निवड करण्यात आली आहे.
नगराध्यक्ष उपनगराध्यक्ष पदासाठी अनेक नगरसेवक नगरसेविका इच्छुक असताना कोणाचे वर्णी लागणार याकडे आष्टीकरांचे लक्ष लागले होते.
अखेर नगराध्यक्ष व उपनगराध्यक्ष पदाची निवड प्रक्रिया नगरपंचायत कार्यालयामध्ये पार पडली नगराध्यक्ष पदासाठी एकमेव पल्लवी धोंडे यांचे नामनिर्देशन पत्र दाखल केल्याने त्यांची नगराध्यक्षपदासाठी तर उपनगराध्यक्ष पदासाठी शैलेश सहस्त्रबुद्धे यांचा एकमेव अर्ज दाखल झाल्याने आष्टी नगरपंचायत च्या नगराध्यक्ष उपनगराध्यक्ष पदी बिनविरोध निवड करण्यात आली.
सोमवारी येथील नगरपंचायत कार्यालयात पिटासीन अधिकारी प्रमोद कुदळे, मुख्याधिकारी तथा तहसिलदार विनोद गुंडमवार, यांच्या मार्गदर्शनाखाली हि प्रक्रिया पूर्ण झाली यावेळी नगरसेवक अकाऊंट प्रकाश हाळकर,संगणक ऑपरेटर सोमा साखरे उपस्थित होते.
आमचे नेते आ. सुरेश आण्णा धस यांनी विश्वासाने माझ्यावर जबाबदारी टाकली आहे. त्याला पात्र राहून आगामी काळात आष्टी शहराचा सर्वांगीण विकास करण्याचा प्रामाणिकपणे प्रयत्न करणार .असल्याचे नवनिर्वाचित नगराध्यक्ष पल्लवी घोंडे यांनी सांगितले
