नेवाशात शाळा परिसरातील रोड रोमिओ चा बंदोबस्त करू – पोलीस निरीक्षक डोईफोडे

दत्तात्रय शिंदे

नेवासा – तालुक्यातील वालाजी देडगाव येथील अहिल्याबाई होळकर शाळेमध्ये पालक शिक्षक मिळाव्या निमित्त पोलीस निरीक्षक शिवाजीराव डोईफोडे हे प्रमुख पाहुणे म्हणून लाभले. या कार्यक्रमाच्या अध्यक्षस्थानी सरपंच चंद्रकांत मुंगसे हे होते
.
या कार्यक्रमाचे प्रास्ताविक शाळेचे मुख्याध्यापक स्वरूपचंद गायकवाड यांनी केले. तर प्रमुख पाहुणे म्हणून नेवासा तालुक्याचे पोलीस निरीक्षक शिवाजीराव डोईफोडे यांनी विद्यार्थ्यांना संबोधित केले.

यावेळी बोलताना ते म्हणाले की, शिक्षण हे वाघिणीचे दूध आहे तो जो पितो तो गुरगुल्याशिवायराहत नाही तो कोणत्या ना कोणत्या क्षेत्रात चमकल्याशिवाय राहत नाही व शिक्षकांचा सन्मान करा. थोरा मोठ्यांचा आदर ठेवा. समाजात ताठ मानेने जगायचे असेल तर शिक्षण अतिशय महत्त्वाचे आहे. तसेच मुलींनी आपले संरक्षण स्वतः करावे.

यावेळी अहिल्याबाई होळकर माध्यमिक
विद्यालय व ग्रामस्थांच्या वतीने पोलीस निरीक्षक डोईफोडे यांचा सन्मान करण्यात आला व शाळाबाह्य टारगटावर योग्य ती कडक कारवाई करावी असे पालकांच्या व ग्रामस्थांच्या वतीने निवेदन देण्यात आले. यावरअहिल्याबाई होळकर शाळेच्या परिसरात शालाबाह्य टारगट व रोड रोमिओ मुलींना त्रास देत असेल तर त्यांची गय केली जाणार नाही व त्यांच्यावर पोलीस प्रशासन योग्य ती कारवाई केली जाईल
काही गैरप्रकार वाटला तर 112 या नंबर वर डायल करून गुप्त माहिती कळवा व प्रशासनाची मदत करा. व गावातील, शाळेच्या परिसरातील सीसीटीव्ही फुटेज घेऊन रोडरोमिओ यांचा शोध घेतला जाईल. पोलीस प्रशासन आपल्या मदतीला सज्ज राहील. पोलीस निरीक्षक शिवाजीराव डोईफोडे यांनी यावेळी सांगितले

पालक- शिक्षक मेळाव्यानिमित्त माजी सरपंच दत्ता पाटील मुंगसे, मा. चेअरमन बुधाजी गोयकर, पावन महागणपतीचे अध्यक्ष संभाजीराव मुंगसे, डॉ. पोपट
तांबे, श्रीकांत हिवाळे, पाटबंधारे विभागाचे रावण ससाणे, मा. चेअरमन योसेफ हिवाळे, शरद हिवाळे, देविदास रक्ताटे, भारत औटी,शाळेचे पर्यवेक्षक चामुटेसर,तज्ञशिक्षक डी.जी कदम सर व शिक्षक वृंद तसेच बहुसंख्येने पालक, पाचुंदा गावचे पालक व विद्यार्थी मित्र व गावातील मान्यवर मोठ्या संख्येने उपस्थित होते.
कार्यक्रमाचे प्रास्ताविक आर. एन गायकवाड सर यांनी केले तर आभार युनूस पठाण यांनी मानले.