पारनेर :-निघोज येथील लोकजागृती सामाजिक संस्थेच्या पुढाकाराने
जागा व दुकान गाळ्याच्या व्यवहारातुन मंगेश ससाणे व भास्कर कवाद यांच्यात निर्माण झालेला तंटा सामोपचाराने मिटवण्यात आला. कागदपत्रे व रेकॉर्डच्या पुर्ततेअभावी तांत्रिक अडचन असल्यामुळे हा व्यवहार सहा वर्षांत पूर्ण झाला नाही. त्यातुन वाद उद्भभवला, स्थानिक पातळीवर वाद मिटला नाही आणि तंटा पारनेर पोलिस ठाण्यापर्यंत पोहचला.
मंगेश ससाने यांनी लोकजागृती सामाजिक संस्थेकडे संपर्क साधला. त्यानंतर संस्थेचे अध्यक्ष अँड. रामदास घावटे यांनी दोघांची भुमिका ऐकुन मध्यस्थी
करत सामोपचाराने तंटा मिटवण्याचा योग्य प्रस्ताव दोघांसमोर ठेवला, त्याला दोघांनीही मान्यता देवून सहमती दर्शवली व पारनेर येथे दुय्यम निबंधक कार्यालयात
सहमतीने दस्ताची नोंदणी रद्द करून कायदेशीर प्रक्रिया पूर्ण केली व परस्पर विरोधातील दाखल तक्रारी / फिर्यादी मागे घेतल्या.
यासाठी सहाय्यक पोलिस निरीक्षक खंडागळे, दुय्यम निबंधकचे गायकवाड,भुमि अभिलेखचे पाटील आणि सामाजिक कार्यकर्ते बबनराव कवाद, शिवाजीराव लंके यांनी सहकार्य केले.
