दत्ता ठुबे
पारनेर प्रतिनिधी
पारनेर तालुक्यातील टॅकर घोटाळ्यातील आरोपींचा अटकपुर्व जामीन अहमदनगर सत्र न्यायालयाने
फेटाळल्यानंतर आरोपींकडून सत्र न्यायालयाच्या आदेशाला औरंगाबाद खंडपीठात आव्हान देण्यात आले होते . गुरुवारी याबाबत न्यायमुर्ती एस. जी. मेहेरे यांच्या समोर सुनावनी घेण्यात आली . त्यावेळी आरोपींना काही अटींवर महीनाभरासाठी तात्पुरता जामीन मंजूर करण्यात आला .
अहमदनगर जिल्ह्यातील दुष्काळी भागात पाणी पुरवठा करण्यासाठी साई सहारा इंफ्रा अँण्ड फॅसीलीटी
प्रा .लि . या खाजगी संस्थेला सन २०१९ – २० मध्ये कंत्राट देण्यात आले होते . त्यापैकी पारनेर तालुक्यात
या खाजगी कंपनीने पाणी पुरवठा करताना बनावट कागदपत्रांच्या आधारे कोट्यावधी रुपयांचा शासकीय निधी हडपला असल्याची तक्रार करण्यात आली होती . त्यानंतर शासनाने चौकशी समिती नेमली होती . चौकशी समितीचा अहवाल उच्च न्यायालया समोर ठेवण्यात आल्यानंतर साई सहारा या कंपनी विरोधात शासणाच्या फसवणूकीचा गुन्हा पारनेर पोलिस ठाण्यात दाखल करण्यात आला आहे .
बनावट जीपीएस अहवाल तयार करणे व पाणीपुरवठा समितीच्या महिलांच्या बनावट सह्या पोलिसांना
तपासात निष्पन्न झाल्या आहेत . त्यानंतर पोलिसांनी मुळ तक्रारदार लोकजागृती सामाजिक संस्था यांच्याकडील महत्वाचे पुरावे व लॅपटॉप जप्त करून तपासणी साठी सायबर न्यायवैद्यक प्रयोगशाळेत पाठवले आहेत . त्याबाबतचा अहवाल अद्याप प्राप्त झालेला नाही . सदर अहवाला नंतरच गुन्ह्याची गंभीरता व व्याप्ती समजणार असल्याचे लोकजागृती सामाजिक संस्थेच्या पदाधिकार्‍यांनी सांगितले .
उच्च न्यायालयात आरोपींच्या बाजूने वकील नितीन गवारे यांनी बाजु मांडली . तर मुळ तक्रारदार लोकजागृती सामाजिक संस्थेच्या वतीने हस्तक्षेप अर्ज दाखल करून वतीने वकील चैतन्य धारुरकर यांनी बाजु मांडली . पुढील सुनावणी एक महीण्यानंतर ठेवण्यात आली आहे .
राळेगण सिद्धीत फटाक्यांनी जल्लोष … !
टॅकर घोटाळ्यातील आरोपींना खंडपीठाकडुन तात्पुरता जामीन मंजूर झाल्यानंतर तेथील ग्रामस्थांनी फटाके वाजवून आनंद व्यक्त केला . राळेगण सिध्दीतील तीन संचालकांचा घोटाळेबाज साई सहारा कंपनीत समावेश आहे .
