दत्तात्रय शिंदे
माका प्रतिनिधी
भेंडा ( ता.नेवासा ) येथील श्री.मारुतरावजी घुले पाटील शिक्षण संस्था संचलित जिजामाता पशुधन व्यवस्थापन व दुग्धोत्पादन पदविका विद्यालय,ज्ञानेश्वरनगर, पशुवैद्यक व पशुविज्ञान महाविद्यालय, परभणी व महाराष्ट्र पशु व मत्स्य विज्ञान विद्यापीठ,नागपूर यांच्या संयुक्त विद्यमाने महाराष्ट्र पशु व मत्स्य विज्ञान विद्यापीठ, नागपूर स्थापना दिनानिमित्त डॉ.पंडित नांदेडकर यांच्या मार्गदर्शनाखाली दिनांक ०९ डिसेंबर २०२४ रोजी मौजे भेंडा बु. येथे पशुपालक श्री.रमेश चामुटे यांच्या गायींच्या गोठयात युवा शेतकरी व विद्यार्थ्यांना लाळ्या खुरकुत लसीकरण मार्गदर्शन करताना मा.डॉ. चंद्रशेखर गवळी सर ( विषय विशेषज्ञ –पशुधन उत्पादन ) कृषी विज्ञान केंद्र दहीगाव-ने यांनी लाळ्या खुरकुत लसीकरण महत्व, लाळ्या खुरकुत नियंत्रण,जनावरांची घेवयाची काळजी याविषयी सविस्तर मार्गदर्शन गोपालकांना केले.
सदर कार्यक्रमास परिसरातील शेतकरी व विद्यार्थी मोठ्या प्रमाणावर हजर होते. कार्यक्रमाचे प्रास्ताविक विद्यालयाचे प्राचार्य श्री.सोपान मते यांनी केले. सदर कार्यक्रम यशस्वी होण्यासाठी विद्यालयाचे डॉ.शरद शिंदे, डॉ. सोनवणे तसेच विद्यालयातील सर्व शिक्षक व शिक्षकेतर कर्मचारी यांनी सहकार्य केले.
